२० भदाै, काठमाडाैँ । सिंगापुरमा ‘बन्टी कन सिंगापुर २०२२’ हुने भएको छ। गुगल र फेसबुकको संयुक्त आयोजनामा बग बाउन्टी सम्मेलन हुने भएको हो। बग बाउन्टी हन्टर्सलाई प्रवर्द्धन गर्ने उद्देश्यले यस वर्ष पनि यस्तो कार्यक्रम आयोजना गर्न लागिएको हो ।
२४ र २५ सेप्टेम्बरमा हुने यस सम्मेलनमा एसियाका नामी साइबर सेक्युरिटी अनुसन्धानकर्ता र इथिकल ह्याकरहरू सहभागी हुनेछन्।
एसियाली क्षेत्रका सुरक्षा अनुसन्धानकर्ताहरू जसले फेसबुक र गुगल प्लेटफर्महरूमा सुरक्षा कमजोरीहरू खोजिरहेका छन् र क्याच द फ्ल्याग (कम्प्युटर सुरक्षा प्रतियोगिता) बाट चयन भएका इथिकल ह्याकरहरू यस सम्मेलनमा सहभागी हुने भएका छन्।
उक्त सम्मेलनमा लाइभ ह्याकिङका साथसाथै सहभागीहरुबीच विभिन्न विषयमा कुराकानी पनि हुने बताइएको छ। उक्त कार्यक्रमको लाइभ ह्याकिङका क्रममा सुरक्षा त्रुटि पत्ता लगाउनेलाई गुगल र फेसबुकले पुरस्कृत गर्ने बताइएको छ।
एसियाली नामी ह्याकरहरूसँगै उक्त सम्मेलनमा नेपालबाट ७ जना इभिकल ह्याकर तथा बाउन्टी हन्डर्स सहभागी हुने भएका छन्।
सहभागी हुनेहरूमा नरेश लाम्दे, साैगात पोख्रेल, समिप अर्याल, मनोज गाैतम, रिकेश बानियाँ सहभागी हुनेछन्। उनीहरू विशेषतः फेसबुक तथा मेटा प्लेटफर्मको बग खोजिरहेका छन्।
त्यसैगरी, आयुष श्रेष्ठ र मधुसुदन आचार्य पनि उक्त सम्मेलनमा सहभागी हुँदैछन्। उनीहरू क्याच द फ्ल्याग (सिटिएफ) मार्फत छनाैट भएका हुन्।
