२१ भदाै, एजेन्सी। स्ट्रमिङ कम्पनी नेटफ्लिक्सले नोभेम्बरको सुरुमा विज्ञापन-समर्थित सस्तो सदस्यता प्लान सुरू गर्ने भएको छ। २०२२ मा १० लाख भन्दा बढी प्रयोगकर्ताहरू गुमाएपछि नेटफ्लिक्सले सस्तो योजना ल्याउने भएको हो।

कम्पनीले सन् २०२३ मा यो सेवा ल्याउने गर्ने योजना बनाएको थियो। तर, डिज्नेको विज्ञापन-समर्थित सस्तो सदस्यता डिसेम्बरमा सुरू गर्ने भएपछि नेटफ्लिक्सले योजना अघि सारेको हो।

रिपोर्टका अनुसार नेटफ्लिक्सको सेवा अमेरिका, फ्रान्स, जर्मनी, अष्ट्रेलिया र क्यानडालगायत अन्य ठाउँमा विज्ञापन-समर्थित सेवा सुरु हुनेछ। त्यस्तै, यस योजना अन्तर्गत सदस्यता शुल्क ७ देखि ९ डलरको बिचमा हुने अनुमान गरिएको छ।

अहिले नेटफ्लिक्सको सदस्यता शुल्क ९.९९ देखि १५.४९ डलर रहेको छ।

नेटफ्लिक्सका प्रवक्ताले भने कम्पनीले अहिलेसम्म कुनै निर्णय नगरेको बताएका छन्। ‘हामी अझै पनि कम मूल्य, विज्ञापन-समर्थित विकल्प कसरी सुरु गर्ने निर्णय गर्ने प्रारम्भिक दिनहरूमा छौं र कुनै निर्णय गरिएको छैन।’ प्रवक्ताले भनेका छन्।