२२ भदाै, काठमाडाैँ । आज आइफोन १४ लन्च हुने भएको छ। एप्पलको एक विशेष इभेन्टबिच आइफोन १४ सिरिज लन्च हुने भएको हो। यो इभेन्ट एप्पलको हेडक्वाटरको स्टिभ जब्स थिएटरमा हुनेछ।
ट्याग लाइन ‘फार आउट’ भएको इभेन्ट एप्पलको वेबसाइटमा स्ट्रिम गरिने सीएनबीसीले रिपोर्ट गरेको छ।
एप्पल लन्च इभेन्ट महामारीको सुरुदेखि नै भर्चुअल भएको छ। कम्पनीले आफ्नो दृष्टिकोणलाई थप हाइब्रिडमा केन्द्रित गरेको छ। एप्पलले आजको इभेन्टमा सहभागी हुन विभिन्न मिडियाहरूलाई आमन्त्रण गरेको पनि बताइएको छ।
आजको इभेन्टमा आइफोन १४ र एप्पल वाच सिरिज ८ सार्वजनिक हुने अपेक्षा गरिएको छ। त्यस्तै, म्याकरूमर्सका अनुसार सोही इभेन्टमा आइओएस १६ पनि रिलिज हुन सक्नेछ।
म्याकरूमर्सका अनुसार आजको इभेन्टमा आइफोन १४, एप्पल वाच सिरिज ८, एयरपड्स प्रो २, न्यु म्याक एण्ड आइप्याड लन्च हुने प्रबल सम्भावना रहेको छ।
एप्पलको यो विषेश इभेन्ट नेपाली समय अनुसार राती १०ः ४५ बजेबाट सुरू हुनेछ।
