२२ भदाै, काठमाडाैँ । टिकटक बनाउने बहानामा पठाओ चालकको मोटरसाइकल चोरी गर्ने समूह पक्राउ परेको छ।
काठमाडौं उपत्यका अपराध अनुसन्धान कार्यालयबाट खटिएको विशेष टोलीले श्रृंखलाबद्ध रूपमा मोटरसाइकल चोरी गर्ने समूहलाई पक्राउ गरेको हो।
पक्राउ पर्नेमा सिन्धुपालचोक घर भएका १८ वर्षीय निसान सापकोटा, ३२ वर्षीय ग्यारेज सञ्चालक रामचन्द्र रावल छन्। त्यस्तै, चोरी गरिएका मोटरसाइकलका पाटपूर्जा खरिद् गर्ने ३२ वर्षीय पुस्कर काफ्ले पनि प्रहरीको नियन्त्रणमा रहेका छन्।
प्रहरीले दिएको जानकारी अनुसार यो समूहले बाइक चोरी गर्ने र चोरी गरेको बाइकको पाटपुर्जा अर्को बाइकमा राखी अन्य पाटपुर्जालाई कवाडीमा बेच्ने गरेको खुलेको छ।
पठाओ चालकसँग चिनजान गरी उनीलाई साथी बनाएर मोटरसाइकल चोर्नमा निसान सापकोटाले मुख्य भूमिका खेलेको बताइएको छ।
उनीहरूले गत साउनमा मोटरसाइकल चोरेको अभियोग लगाइएको छ। परेका व्यक्तिहरूलाई अनुसन्धानका लागि प्रहरी वृत बौद्ध पठाइएको छ।
