२५ भदाै, एजेन्सी। स्टीभ जब्सकी छोरी इभले आइफोन १४ को मजाक उडाएकी छिन्। उनले इन्स्टाग्राममा आइफोन १४ पछिल्लो मोडल आइफोन १३ जस्तै देखिने भएको भन्दै व्यंग्य गरेकी हुन्।
हुन पनि एप्पलले आइफोन १४मा करीब ८० प्रतिशत डिजाइन आइफोन १३ को जस्तै नै प्रयोग गरेको छ।
स्टीव जब्सको बारेमा हामी सबैलाई थाहा भएता पनि उनकी छोरी इभ जब्सको बारेमा थाहा नहुन सक्छ। उनी मोडल हुन्।
भर्खरै लन्च भएको आइफोन १४ को ट्रोल गरेपछि उनि थप चर्चित भएकी छिन्। कतिपयले भने उनको मिम अर्थपूर्ण र वास्तविक नै भएको धारणा राखिरहेका छन्।
गत बुधबार राती एप्पलले आइफोन १४ लन्च गरेको छ। सफ्टवेयर तथा प्रोग्राममा आइफोन १४ र १३ बिच अन्तर भएता पनि ह्याण्डसेटमा भने खासै भिन्नता देखिएको छैन।
