३० भदाै, काठमाडाैँ। नेपालमा आजदेखि लागू मोबाइल डिभाइस म्यानेजमेन्ट सिस्टम (एमडीएमएस) लागु हुने भएको छ। नेपाल दूरसञ्चार प्राधिकरणले विदेशबाट अवैध रुपमा नेपाल भित्रिने मोबाइल प्रतिबन्ध लगाउने लक्ष्यसहित एमडीएमएस लागु गर्ने भएको हो।
बिहीबार ललितपुरमा एक कार्यक्रममाझ प्राधिकरणले एमडीएमएसको सुरूवात गर्ने तयारी गरेको छ। प्राधिकरणका अनुसार एमडीएमएस लागु भएपछि मोबाइल सेटको गैरकानुनी आयात, बिक्री वितरण र प्रयोगलाई निरुत्साहित गर्न तथा चोरी भएका र हराएका मोबाइल फोनको ट्र्याकिङ तथा ब्लकिङ गरेर चल्न नमिल्ने बनाउन सकिनेछ।
प्राधिकरणका अनुसार आजसम्म विदेशबाट व्यक्तिगत तवरमा ल्याइएका मोबाइल सेट स्वतः एमडीएमएसमा दर्ता हुनेछन्। तर, अबदेखि भने विदेशबाट किनेर वा उपहारका रुपमा आएका मोबाइलको आईएमईआई एमडीएमएसमा अनिवार्य दर्ता गर्नुपर्नेछ।
त्यसैगरी, प्राधिकरणले अब उप्रान्त मोबाइल खरिद गर्दा mdms.nta.gov.np मा गइ दर्ता भए/नभएको यकिन गरेर मात्रै खरिद गर्न पनि सुझाव दिएको छ।
आजदेखि अवैध रुपमा नेपाल भित्रिएका र एमडीएमएसमा दर्ता नभएका मोबाइल नेपालमा नचल्ने बताइएको छ।
