८ असोज, काठमाडाैँ। नेपाल टेलिकमले ‘सस्तो प्रिपेड कम्बो प्याक’ अफर ल्याएको छ। सस्तो मूल्यमा सबै प्रकारका सुविधा दिने उद्देश्य सहित टेलिकमले यो अफर ल्याएको हो।
यस अफर अन्तर्गत विभिन्न चार भेरिन्टका कम्बो प्याक ग्राहकहरूले लिन पाउनेछन्। जसको सबैभन्दा सस्तो मूल्य १९९ रूपैया रहेको छ।
टेलिकमका ग्राहकले १९९ रूपैयाँमा ४२०० एमबी डेटा, प्रत्येक दिन १५ मिनेटका दरले २८ दिनसम्म भ्वाइस प्याक र सोही अनुसार ४२० वटा एसएमएस २८ दिनसम्म दैनिक १५ वटाका दरले पाउनेछन्।
त्यस्तै, ३४९ रूपैयाँको अफरमा प्रतिदिन ५०० एमबिका दरले १४ हजार एमबि डेटा, दैनिक ५० मिनेटका दरले १४ सय मिनेट भ्वाइस प्याक र दैनिक ५० वटाका दरले १४ सय एसएमएस प्याक पाउनेछन्।
४९९ रूपैयाको प्याकमा भने दैनिक ७०० एमबिका दरले १९ हजार ६०० एमबि डेटा, दैनिक ७० मिनेटका दरले १९६० मिनेट भ्वाइस प्याक र सोही दरले एसएमएस प्याक पाउनेछन्।
त्यसैगरी, ६९९ रूपैयाँको प्याकमा भने दैनिक १ जिबिका दरले २८ जिबी डेटा, १०० मिनेटका दरले २८०० मिनेट भ्वाइस प्याक र १०० वटा प्रतिदिनका दरले २८०० म्याेज प्याक पाउनेछन्।
टेलिकमबाट प्राप्त गरेका भ्वाइस र एसएमएस प्याक सबै नेटवर्टका प्रयोग गर्न सकिने जानकारी दिइएको छ। सेवा सुचारू गर्न *१४१५# डायल वा NT Mobile App प्रयोग गर्न सकिनेछ।
