११ असोज, एजेन्सी। भिडियो सेयरिङ प्लेटफर्मलाई २ करोड ७० लाख पाउन्ड जरिबाना हुन सक्ने भएको छ। यस प्लेटफर्मले बालबालिकाको गोपनीयताको रक्षा गर्न असफल भएकोमा उक्त रकम जरिबाना हुन सक्ने भएको हो।

युकेको सूचना आयुक्तको कार्यालय (आईसीओ) ले भिडियो-सेयरिङ प्लेटफर्मले उपयुक्त सहमति बिना १३ वर्षभन्दा कम उमेरका बालबालिकाहरूको डाटालाई प्रशोधन गरेको हुनसक्ने फेला पारेको छ।

टिकटकले जुलाइ २०२० सम्म गोपिनियता सबन्धित प्रावधानहरू उल्लंघन गरेको देखिएको छ। तर, यो नै अन्तिम निष्कर्ष नभएको आईसीओले जानकारी दिएको छ।

टिकटकले भने आईसीओको अनुसन्धान र निष्कर्ष विवादास्पद भएको दाबी गरेको छ।

आईसीओले टिकटक इंक र टिकटक इन्फर्मेसन टेक्नोलोजिज युके लिमिटेडलाई “नोटिस अफ इंटेन्ट” जारी गरेको छ। यो एक कानुनी कागजात हो जसले जरिबाना गर्नका लागि प्रक्रिया सुरू गर्न अनुमति दिन्छ।

उक्त नोटिस अफ इंटेन्टमा टिकटकले मे २०१८ देखि जुलाइ २०२० सम्म गोपनीयता प्रावधानहरू उल्लंघन गरेको उल्लेख गरिएको छ।