१४ असोज, काठमाडाैँ। टेलिकम कम्पनी एनसेलले नेपालमै पहिलो पटक ‘होम एण्ड अवे’ डेटा प्याक ल्याएको छ। घरभित्र वा बाहिर जता हुँदा पनि सँधै इन्टरनेटमा जोडिनका लागि यो प्याक ल्याएको एनसेलले बताएको छ।
यस प्याक अन्तर्गत घर भित्रका लागि ३० जिबी र घरबाहिरका लागि पनि ३० जिबी नै डेटा उपलब्ध हुनेछ। होम एण्ड अवे गरी ६० जिबी डेटाका लागि ५९९ रूपैयाँ पर्ने एनसेलले जनाएको छ।
उक्त डेटा २८ दिनसम्म मान्य हुने बताइएको छ।
एनसेल प्रयोगकर्ताहरूले *17123*30# डायल गरी वा एनसेल एप र एनसेलको वेभसाइटबाट डेटा खरिद गर्न सक्नेछन्।
