१५ असोज, काठमाडैँ। नेपाल टेलिकमले नयाँ अफर ल्याएको छ। टेलिकमले शनिबार ‘सजिलो प्रिपेड कम्बो प्याक’ अफर ल्याएको हो।
यस अफर अन्तर्गत प्रयोगकर्ताहरूले एउटै मूल्यमा खरिद गरिएको प्याकबाट डेटा, एसएमएस र भ्वाइस कलको मज्जा लिन सक्नेछन्। जसका लागि ६९९ रूपैयाँ खर्च गर्नुपर्नेछ।
टेलिकमले दिएको जानकारी अनुसार प्रयोगकर्ताहरूले ६९९ रूपैयाँमा २८ जिबि डेटा, २८०० वटा एसएमएस र २८०० मिनेटको नै भ्वाइस प्याक पाउनेछन्। जसको अवधि २८ दिनको हुनेछ।
यो प्याक अन्तर्गत प्रयोगकर्ताहरूले २८ दिनसम्म प्रत्येक दिन १ जिबिका दरले डेटा तथा एसएमएस प्रतिदिन १०० वटा र १०० मिनेट दैनिक भ्वाइस प्याक पाउनेछन्।
यो प्याक सुचारू गर्नका लागि *१४१५# डायल वा NT Mobile App प्रयोग गर्न सकिने टेलिकमले जानकारी दिएको छ।
