गुगल क्रोम सबैभन्दा असुरक्षित ब्राउजर

२३ असोज, एजेन्सी। गुगल क्रोम सबैभन्दा असुरक्षित ब्राउजर बनेको छ।

एटलस भिपिएनको नयाँ रिपोर्ट अनुसार ३०३ सुरक्षा कमजोरीहरू र  २०२२ सम्मको कुल ३ हजार १५९ जोखिमहरूको साथ क्रोम सबैभन्दा कमजोर ब्राउजर भएको हो।

एटलस भिपिएनको प्रतिवेदनमा उल्लेख भए अनुसार यी तथ्याङ्कहरू जनवरी १, २०२२ देखि अक्टोबर ५, २०२२ सम्मको VulDB भल्नेराबिलिटी डाटाबेसको डाटामा आधारित छन्।

उक्त प्रतिवेदन अनुसार गुगल क्रोम अक्टोबरमा पाँच दिनमा नयाँ कमजोरीहरू भएको एक मात्र ब्राउजर हो। जसमा CVE-202203318, CVE-2022-3314, CVE-2022-3311, CVE-2022-3309 and CVE-2022-3307 कजमोरीहरू रहेका छन्।

CVE प्रोग्रामले धेरै प्लेटफर्महरूमा सुरक्षा त्रुटिहरू र कमजोरीहरूको ट्र्याक गर्दछ। उक्त रिपोर्टमा भनिए अनुसार क्रोममा देखिएका यी कमजोरीहरूले कम्प्युटरको मेमोरी करप्ट सम्म गर्न सक्नेछन्।

प्रयोगकर्ताहरूले नयाँ क्रोम अपडेट गरेर सुरक्षा कमजोरी हटाउन सक्ने बताइएको छ।

सबैभन्दा जोखिमपूर्ण ब्राउजरको दोश्रो स्थानमा मोजिल्ला फायरफक्स र तेश्रोमा माइक्रोसफ्ट एज रहेका छन्। सफारीमा सबै भन्दा कम जोखिम देखिँदा ओपेरामा भने कुनै प्रकारका जोखिम रिपोर्ट नगरिएको उल्लेख छ।