२३ असोज, एजेन्सी। सबैभन्दा ठूलो क्रिप्टोकरेन्सी एक्सचेन्ज बाइनाइन्स ह्याकको शिकार भएको छ। यस नेटवर्ट ह्याक हुँदा कम्पनीले करोडाैँ डलर गुमाएको छ।
२ वटा ब्लकचेनमा समस्या देखिएपछि बाइनान्सले ती क्रिप्टोकरेन्सीको कारोबार र रकम स्थानान्तरण अस्थायी रूपमा बन्द गरेको छ।
बाइनान्सका सीईओ चाङ्गपेङ झाओले ट्वीटमा अहिले यस मुद्दामा अनुसन्धान भइरहेको र प्रतिबन्धका कारण पर्न गएको असुविधाप्रति माफी मागेका छन्।
बाइनान्सले सुरूवाति चरणमा ह्याक गरेर ११० मिलियन र १०० मिलियन चोरी भएको बताएको थियो। तर, सिएनबिसीको एक रिपोर्टमा भने ह्याक भएको क्रिप्टोकरेन्सीले ५७० मिलियन डलर गुमाएको उल्लेख गरिएको छ।
बाइनान्स ह्याकिङको शिकार हुने पछिल्लो सबैभन्दा ठूलो कम्पनी हो। गत अगस्टमा नोम्याड क्रिप्टो एक्सचेन्ज पनि ह्याक भएको थियो। उक्त ह्याकिङका कारण कम्पनीले २०० मिलियन डलरको घाटा व्यहोरेको थियो।
