२६ असोज, काठमाडाैँ। चर्चित सामाजिक सञ्जाल फेसबुकमा समस्या देखिएको छ। बुधबार नेपाली समय अनुसार बिहानदेखि फेसबुकमा फलोअर्सको संख्या कम देखाउने समस्या देखिएको हो।
फेसबुकमा बगका कारण लाखौं मानिसका फलोअर्स रातारात गायब भएको बताइएको छ। फेसबुकका संस्थापक मार्क जुकर्बर्ग पनि यो बगको शिकार भएका छन्। करोडाैँ फलोअर्स भएका उनको फेसबुकमा अहिले जम्मा ९ हजार ९९३ फलोअर्स भएको देखाइएको छ।
धेरै अन्य प्रयोगकर्ताहरूले पनि अचानक फलोअरहरू गुमाएको गुनासो गरेका छन्। नेपाली चलचित्रका नायक राजेश हमालका फलोअर्स पनि ९ हजार भन्दा केही बढी देखइरहेका छन्।
फेसबुकमा नक्कली फलोअर्स हटाउने प्रक्रियाका कारण यो समस्या देखिएको बताइएको छ। तर, मार्क जुकरबर्गका सबै फलोअर्स नक्कली भएको हुनसक्ने भन्दै केही प्रयोकर्ताहरूले प्रश्न पनि उठाइरहेका छन्।
