२७ असोज, एजेन्सी। बुधबार फेसबुकमा गायब भएका फलोअर्सको संख्या फिर्ता भएका छन्। बुधबार बिहानैबाट गायब भएका फलोअर्स बुधबार अबेलाबाट फिर्ता भएका हुन्।
फेसबुकमा समस्या देखिएपछि विश्वका चर्चित सेलिब्रेटिदेखि लिएर सामान्य मानिसहरूको फेसबुक फलोअर्स ९ हजारको हाराहारीमा पुगेका थिए।
फेसबुकका संस्थापक मार्क जुकरबर्ग सहित नेपालका राजेश हमाल, काठमाडाैँ महानगरका मेयर बालेन शाह, भीम उपाध्याय लगायका फेसबुक फलोअर्स लाखाैँबाट घटेर ९ हजारमा सिमित भएका थिए।
फेसबुकले उक्त समस्याबारे प्रष्ट भने पारेको छैन। तर, कतिपयले फेसबुकमा भएको बगका कारण यस्तो भएको दाबी गरिरहेका छन्।
