२७ असोज, काठमाडाैँ। मार्क जुकरबर्गले नयाँ भिआर हेडसेट सार्वजनिक गरेका छन्। एक अनलाइन इभेन्टमार्फत मेटाका सिइओ जुकरबर्गले नयाँ भिआर हेडसेट क्वेस्ट प्रो सार्वजनिक गरेका हुन्।
क्वेस्ट प्रोको मूल्य १ हजार ४९९ अमेरिकी डलर तोकिएको छ। मेटाको अहिलेको हेडसेट क्वेस्ट २ को मूल्यभन्दा क्वेस्ट प्रोको मूल्य चार गुणा बढी रहेको छ। अहिले क्वेस्ट २ को मूल्य ३९९ डलर रहेको छ।
यो हेडसेटमा पातला लेन्सहरू, पछाडिको हेड स्ट्र्यापको वरिपरि घुमाउरो ब्याट्री, र सेल्फ-ट्र्याक गर्ने कन्ट्रोलरहरू जडान गरिएको छ।
हेडसेटबाट प्रयोगकर्ताहरूलाई स्क्रिनको वरिपरि उनीहरूको वास्तविक वातावरण हेर्न सकिने जानकारी दिइएको छ।
क्वेस्ट प्रोमा मिस्क्ड रियालिटीका सक्षमताहरूको बताइएको छ। यसमार्फत डिजिटल कन्टेन्टहरू वास्तविक संसारमा पाउन सकिने बताइएको छ।
मेटाका सिइओ जुकरबर्गले मिस्क्ड रियालिटी भिआरमा नयाँ कदम सुरू भएको बताएका छन्।
पहिले फेसबुकको रूपमा परिचित कम्पनी मेेटा अहिले मेटाभर्समा भविष्य बनाउन उद्दत छ। मेटाभर्स एक भर्चुअल संसार हो। जहाँ मानिसहरूले आफ्नो दैनिक जीवनलाई अवतारको रूपमा सञ्चालन गर्न सक्छन्।
