१ कार्तिक, काठमाडाैँ। नेपाल टेलिकमले नयाँ अफर ल्याएको छ। नेपाल टेलिकमले अटम अफर २०७९ ल्याएको हो।
कम्पनीले यसअघि नै उपलब्ध गराइरहेको समर अफरमा केही थपेर नेपाल टेलिकमले अटम अफर २०७९ ल्याएको जनाएको छ।
यस अफर अन्तर्गत टेलिकमका सजिलो प्रिपेड कम्बो अफर, सजिलो अनलिमिटेड प्रिपेड प्याक, सस्तो प्रिपेड प्याक, अननेट एसएमएस प्याक र इन्डिया कल अफर लगायतका विभिन्न प्याकहरु छन्। जुन ९० दिनसम्म चल्ने जनाइएको छ।
ग्राहकले सजिलो प्रिपेड कम्बो ३४९ अन्तर्गत प्रतिदिन ५०० एमबी डाटा, सबै नेटवर्कमा काम गर्ने दैनिक ५० मिनेट भ्वाइस कल, र सबै नेटवर्कमा पठाउन मिल्ने ५० वटा एसएमएस प्याक पाउनेछन्।
यसका अलावा टेलिकमले विभिन्न सुलभ तथा आकर्षक प्याकहरू ल्याएको छ। जसका लागि प्रयोगकर्ताले एनटिएप प्रयोग वा *1415# डायल गर्न सक्नेछन्।
