२ कार्तिक, काठमाडाैँ। युवा पुस्तामाझ चर्चित र्यापर भिटेन सामाजिक सञ्जालबाट गायब भएका छन्। उनले बुधबार सामाजिक सञ्जाल अकाउन्ट डियाक्टिभ गरिएको बुझिएको छ।
उनले आफ्नो युट्युब च्यानलबाट सबै भिडियोहरू समेत हाइड गरेका थिए। तर, मिडियाहरूमा यसबारे समाचार सार्वजनिक भएपछि उनले सबै भिडियोहरू पब्लिक गरेका छन्। सोमबार बिहान उनले १३ दिनअघि सार्वजनिक भएको उनको ‘आफ्नै बाटो’ नामको गीतमात्र रहेको थियो।
जापानमा असोज २४ मा भएको कन्सर्टमा बियरको बोतलले आफ्नो टाउकोमा हानेका थिए। त्यसपछि उनको आलोचना भएको थियो।
‘चुरोट’ नामक नेपाली गीतबाट चर्चामा आएका र्यापर भिटेन समय-समयमा आलोचना तथा चर्चामा आइरहन्छन्। उनलाई केही पटक प्रहरीले पक्राउ गरेर हिरासतमा समेत राखेको थियो।
युवा पुस्तामाझ चर्चित भिटेनका सामाजिक सञ्जालमा लाखाै फलोअर्स छन्। उनको युट्युब च्यालन ‘भिटेन म्युजिक’मा १७ लाखभन्दा बढी सब्स्क्राइबर छन्।
