४ कार्तिक, काठमाडाैँ। हाम्रोपात्रो १३औं वर्षमा प्रवेश गरेको छ। २०१० मा पहिलो नेपाली डिजिटल पात्रोको रूपमा आएको हाम्रोपात्रो एप १२औं वर्ष पूरा गरी १३औं वर्षमा प्रवेश गरेको हो।
यो एप सबैभन्दा धेरै डाउनलोड हुने नेपाली एप हो। यो एप १ करोड भन्दा बढी डाउनलोड भएको छ। नेपाल लगायत विदेशमा समेत रहेका नेपालीहरूको मोबाइल फोनमा यो एप डाउनलोड भएको देखिन्छ।
अहिले यस एपमा स्वास्थ्यदेखि ज्योतिष सेवा समेत उपलब्ध छन्। प्रयोगकर्ताहरूले समाचारहरू समेत यसबाटै पढ्न र रेडियो सुन्न समेत सक्नेछन्।
२०२१ देखि हाम्रोपात्रोले रेमिटेन्स सुविधा समेत थपेको छ। अब हाम्रोपात्रोले ‘हाम्रो पे’ औपचारिक रूपमा सार्वजनिक गर्ने तयारी समेत गरिरहेको छ।
