४ कार्तिक, एजेन्सी। एप्पलले आईफोन १४ प्लसको उत्पादन घटाएको छ। स्टोरहरूमा आईफोन १४ को माग कम भएपछि पुनः मूल्याङ्कनका लागि उत्पादनमा कटाैती गरेको बताइएको छ।
स्टोरहरूमा करिब २ हप्ता अघि मात्रै आईफोन १४ प्लस आएको थियो।
चीनमा कम्तिमा एक निर्मातालाई आईफोन १४ प्लस कम्पोनेन्टको उत्पादन तुरुन्तै रोक्न भनिएको छ। चीनमा २ ठूला आपूर्तिकर्ताहरूले एप्पलका पार्ट्सलाई ठूला मोड्युलहरूमा एसेम्बल गर्दछन्। अहिले ती दुबै आपूर्तिकर्ताहरूले उत्पादनमा ७० र ९० प्रतिशत कटाैती गरेका छन्।
यो समाचार सार्वजनिक भएपछि एप्पलको शेयरमा समेत गिरावट आएको छ। हिजो मात्रै एप्पलको प्रतिकित्ता शेयरको मूल्य ४ डलरले घटेको छ।
अक्टोबर ७ मा नयाँ आईफोन १४ प्लस डेब्यू हुनु अघि कम्पनीले आईफोन १४ को उत्पादन बढाउने योजनालाई फिर्ता लिएको रिपोर्ट सार्वजनिक भएपछि एप्पलको सेयर दुई महिनाकै सबैभन्दा न्यून मूल्यमा पुगेको थियो।
आईफोन १४ को सुरूवाति मूल्य करिब १ हजार डलर रहेको छ। स्टोरेज क्षमताको आइफोन १४ प्लसको मूल्य तलमाथि पर्छ।
