६ कार्तिक, काठमाडाैँ। नेपाल टेलिकमले चाडपर्व लक्षित नयाँ अफर सार्वजनिक गरेको छ। टेलिकमले तिहार, छठ तथा म्हपुजाका अवसरमा विभिन्न डेटा र भ्वाइस प्याक तथा रिचार्ज गर्दा बोनस सहितको चाडपर्व अफर ल्याएको हो।
यो अफर आजदेखि कार्तिक १५ गतेसम्म लागु हुने टेलिकमले जनाएको छ।
टेलिकमले ल्याएको अफरमा २९४ रूपैयाँमा १० दिनका लागि २० जीबी डेटा र ९८ रूपैयाँमा तीन दिनका लागि ६ जिबी डेटा रहेका छन्। त्यसैगर एक दिनका लागि सबै नेटवर्कमा प्रयोग गर्ने मिल्ने अनलिमिटेड भ्वाइस प्याक जम्मा ४९ रूपैयाँमा नै प्राप्त हुनेछ। सोही मूल्यमा एक दिनका लागि अनलिमिटेड डेटा समेत पाइनेछ।
त्यस्तै, २०० रूपैयाँदेखि ४९९ रूपैयाँसम्म रिजार्ज गर्दा २ दिन मान्य हुनेगरी ५०० एमबी डेटा र ५०० भन्दा बढीको रिचार्जमा ४ दिनभित्र प्रयोग गर्न सकिने १,०२४ एमबी डेटा बोनस स्वरूप पाइनेछ।
यी प्याकहरू खरिद गर्नका लागि *1415# डायल वा नेपाल टेलिकम एपमा जान सक्नेछन्।
