१४ कार्तिक, काठमाडाैँ। नेपाली पब्जी मोबाइल गेमिङ टोली डिआरएस गेमिङ इस्तानबुलमा हुने ग्लोबल इ-स्पोर्ट गेम्सका लागि छनाैट भएको छ। सोमबार डिआरएस गेमिङले फेसबुकमार्फत यसबारे जानकारी दिएको हो।
ग्लोबल इस्पोर्ट्स गेम्स डिसेम्बर १४ देखि १८ तारिखसम्म टर्कीको इस्तानबुलमा आयोजना हुँदैछ। यस इभेन्टमा पब्जितर्फ विभिन्न देशका २५ वटा टोलीले प्रतिस्पर्धा गर्नेछन्।
ग्लोबल इ-स्पोर्ट गेम्समा डिआरएसले नेपालको राष्ट्रिय टोलीको रूपमा प्रतिस्पर्धा गर्ने जानकारी दिइएको छ। यो टोली पब्जिको सबैभन्दा ठूलो प्रतियोगिता पब्जि मोबाइल ग्लोबल च्याम्पियनसिपमा समेत छनाैट भइसकेको छ।
