१५ कार्तिक, एजेन्सी। विश्वका चर्चित फुटबल खेलाडी लियोनल मेसी र मोबाइल गेम पब्जिबिच सहकार्य हुने भएको छ। पब्जिको नयाँ अपडेटका लागि मेसीसँग पब्जिले सम्झाैता गरेको हो।
पब्जिको नयाँ अपडेट नोभेम्बरमा सार्वजनिक हुँदैछ। उक्त अपडेटमा मेसीसँग सम्बन्धित सामग्रीहरू पब्जिमा उपलब्ध हुनेछन्।
तर, के कस्ता सामग्रीमा मेसीको लुक्स देखिनेछन् भन्नेबारे पूर्ण जानकारी भने दिइएको छैन।
यसभन्दा अघि अर्को चर्चित मोबाइल गेम फ्रिफायरले पोर्चुगलका स्टार खेलाडी क्रिस्टियानो रोनाल्डोसँग सहकार्य गरेर इन-गेम आउटफिटहरू ल्याएको थियो।
