१७ कार्तिक, एजेन्सी। आइफोनको नयाँ संस्करणमा युएसबी टाइप-सी चार्जर आउने भएको छ। एप्पलले नै अबका आइफोन युएसबी टाइप-सी चार्जरमा सिफ्ट हुने बताएको हो।
धेरै टिपस्टरहरूले एप्पलले एयरपड्सको लागि युएसबी-सी पोर्ट परीक्षण गरिरहेको दाबी गरिरहेका थिए। अब भने २०२४ मा आउने एप्पललका उत्पादनमा युएसबी-सी पोर्ट हुने निश्चित भएको हो।
वाल स्ट्रिट जर्नलको टेक लाइभ २०२२ मा एप्पलका क्राइग फेडेरेगी र ग्रेज जोस्विकलाई इलेक्ट्रोनिक उपकरणहरूको लागि इयु नियमनको अनिवार्य चार्जिंग पोर्ट कानूनको बारेमा सोधिएको थियो।
उक्त प्रश्नमा जवाफ दिँदै सरकारले बनाएको कानुनको सम्मान गर्दै कम्पनीले पालना गर्न तयार रहेको बताएका थिए।
गत महिना इयु रेगुलेसनले स्मार्टफोन, हेडफोन र ट्याबलेटजस्ता इलेक्ट्रोनिक उपकरणहरूमा युएसबी-सी चार्जिङ पोर्टको व्यवस्था गर्नुपर्ने अनिवार्य नियम लागु गरेको थियो।
एप्पको चार्जिङ पोर्टबारे ब्राजिल लगायत अन्य मुलुकहरूमा पनि सवाल उठीरहेको छ। कतिपय देशले चार्जरको विषयमा एप्पललाई जरिवाना समेत तिराएका छन्।
