२१ कार्तिक, एजेन्सी। चर्चित म्यासेजिङ प्लेटफर्म ह्वाट्सएपले अनलाइन स्टाटस लुकाउने फिचर सार्वजनिक गरेको छ। केही महिना अघि परीक्षण सम्पन्न गरेपछि यो फिचर सार्वजनिक भएको हो।
अब ह्वाट्सएपका एप्पल डिभाइस र एन्ड्रोइड प्रयोगकर्ताहरूले पनि यो फिचर प्रयोग गर्न पाउनेछन्। यस अन्तर्गत अब आफु अनलाइन भएको क-कसलाई थाहा दिने भन्नेबारे प्रयोगकर्ताहरूले नै छान्न सक्नेछन्।
यससँगै ह्वाट्सएपले अन्य फिचरहरू पनि सार्वजनिक गरेको छ। अब ह्वाट्सएपमा एकै पटक ३२ जनासम्मले भिडियो कल गर्न सक्नेछन्। तर, यो फिचर भने अर्को महिनादेखिमात्रै प्रयोग गर्न पाइने ह्वाट्सएपले जानकारी दिएको छ।
ह्वाट्सएपले अनलाइन स्टाटस हाइड गर्ने फिचर गोपनीयताका लागि महत्वपूर्ण सावित हुने अपेक्षा गरेको छ।
