२३ कार्तिक, एजेन्सी। एप्पलले पहिले अनुमान गरिएको भन्दा कम आईफोन १४ प्रो र आईफोन प्रो म्याक्स ढुवानी हुने अपेक्षा गरेको छ। चीनको झेंग्झाउमा रहेको सबै भन्दा ठूलो कम्पनी लकडाउनका कारण प्रभावित भएका कारण एप्पलले यो अपेक्षा गरेको हो।
‘उक्त फ्याक्ट्री अहिले उल्लेखनीय रूपमा कम क्षमतामा सञ्चालन भइरहेको छ। ग्राहकहरूले आफ्नो नयाँ उत्पादनहरू प्राप्त गर्न लामो समयको प्रतीक्षा गर्नु पर्नेछ।’ एप्पलले विज्ञप्तीमा भनेको छ।
रोयटर्सले अक्टोबरमा चीनमा कोरोना सम्बन्धि नियमहरू कडा भएका कारण अर्को महिना विश्वको सबैभन्दा ठूलो कारखानामा एप्पलको आईफोनको उत्पादन ३० प्रतिशतसम्म सम्म घट्न सक्ने रिपोर्ट सार्वजनिक गरेको थियो।
लगभग २ लाख मानिसहरूलाई रोजगारी दिने मध्य चीनमा रहेको एप्पलको मुख्य झेंग्झाउ प्लान्ट कोरोना महामारी फैलिएपछि गरिएको लकडाउनक कारण अत्यन्तै प्रभावित भएको छ।
ताइवानको स्वामित्वमा रहेको फक्सकन एप्पलको सबैभन्दा ठूलो आईफोन निर्माता हो। उक्त कम्पनिले सोमबार कोभिड-१९बाट प्रभावित चीनको झेंग्झाउमा रहेको प्रमुख प्लान्टमा पूर्ण उत्पादन पुनः सुरु गर्न काम गरिरहेको छ र चौथो त्रैमासिकको दृष्टिकोणलाई परिमार्जन गरेको बताएको छ।
वर्षको अन्तिम समय र बिदाको समयमा उत्पादन कम भएपछि एप्पलको व्यापारमा ठूलो प्रभाव पर्ने अनुमान गरिएको छ।
झेंग्झाउमा रहेको फक्सकनको प्लान्टमा २ लाख कर्मचारी छन्। त्यहाँबाट एप्पलको आईफोन १४ सहित प्रमुख डिभाइसहरू उत्पादन हुन्छन्।
