२३ कार्तिक, काठमाडाैँ। नेपाल टेलिकमले नयाँ भ्वाइस कल अफर ल्याएको छ। टेलिकमले सस्तो दरमा धेरैबेर कुराकानी गर्न मिल्ने अफर मंगलबार सार्वजनिक गरेको हो।
यस अफर अन्तर्गत १४ रूपैयाँमा टेलिकमका ग्राहकहरूले एउटै नेटवर्कभित्र १२५ मिनेट कुराकानी गर्न सक्नेछन्। यसरी खरिद गरिएको प्याक बिहान ५ बजेदेखि साँझ ५ बजेसम्मका लागि मान्य हुने टेलिकमले जानकारी दिएको छ।
सेवा सुचारू गर्न *१४१५# डायल वा NT Mobile App प्रयोग गर्न सकिने टेलिकमले जानकारी दिएको छ।
