२८ कार्तिक, एजेन्सी। अमेरिकाको बैंक वाल स्ट्रिट जेपीमोर्गन बैंकले विटक्वाइनको मूल्य थप २५ प्रतिशत गिरावट हुनसक्ने अनुमान गरेको छ। विश्वकै दोश्रो ठूलो क्रिप्टो एक्सचेन्ज कम्पनी एफटिएक्स टाट पल्टिएपछि विटक्वाइनको मूल्यमा पहिरो जाने बैंकको अनुमान छ।
पछिल्लो एक वर्षको तुलनामा क्रिप्टोकरेन्सीको राजाको रूपमा परिचित विटक्वाइनको मूल्य ७५ प्रतिशतले घटिसकेको छ।
यो सामग्री तयार पार्दासम्म विटक्वाइन १६ हजार ४०० डलरमा कारोबार भइरहेको छ। जुन पछिल्लो एक हप्ताको तुलनामा ५ हजार डलरले कमी हो।
सन् २०१९ मा साम ब्यांकम्यान-फ्राइडले स्थापना गरेको कम्पनी एफटिएक्स एक हप्ताअघि टाट पल्टिएको छ। ३० वर्षीया फ्राइडको सम्पत्तिमा पनि पहिरो जानेक्रम जारी छ।
विश्वका ठूला बैंकहरूले चर्को आलोचना गरिरहेका छन्। यसभन्दा अघि मे महिनामा टेराको लुना पनि टाट पल्टिएको थियो।
