५ मंसिर, काठमाडाैँ। नेपाली पब्जी मोबाइल गेमिङ टोली स्काइलाइट्ज गेमिङ पब्जी मोबाइल ग्लोबल च्याम्पियनसिप(पिएमजिसी)को सर्भाइभल स्टेजका लागि छनाैट भएको छ।
उक्त टोली ग्रुप ग्रीनको नवाैँ स्थानमा रहन सफल हुँदै सर्भाइभल स्टेजमा पुगेको हो। सोही समूहबाट एसटिइ, नोभा र एफएफ भने ग्रान्ड फिनालेका लागि छनाैट भएका छन्।
१६ वटा टोली हुने एक ग्रुपबाट शीर्ष तीन स्थानमा रहने टोलीले सिधै फाइनलमा स्थान बनाउँदा उत्कृष्ट ११ मा पर्ने सर्भाइभल स्टेजमा फाइलन लास्ट डान्स स्टेजमा फाइलनमा लागि प्रतिस्पर्धा गर्न छनाैट हुनेछन्।
समूह चरणका २४ खेलमा स्काइलाइट्ज गेमिङले १७६ अंक प्राप्त गरेको थियो।
यसभन्दा अघि अर्को नेपाली टोली डिआरएस गेमिङ सर्भाइभल स्टेजका लागि छनाैट भइसकेको छ।
बिहीबारदेखि अर्को नेपाली टोली ट्रेन्ड टु किल (टिटुके)ले ग्रुप एल्लोबाट समूह चरणका खेलहरू खेल्नेछ। पिएमजिसीको यो संस्करणमा पहिलो पटक तीन वटा नेपाली टोली छनाैट भएका छन्।
