११ मंसिर, एजेन्सी। ट्विटरमा तीन प्रकारका भेरिफाइड ब्याज ल्याइने भएको छ। ट्विटरका मालिक एलन मस्कले शुल्क तिरेर प्रयोगकर्ताहरूले तीन प्रकारका भेरिफाइड ब्याज लिन पाउने भएका छन्।
अब ट्विटरमा खैरो, पहेँलो र निलो भेरिफाइड ब्याज देखिने भएको छ।
ट्विटरमा एक जनाले सोधेको प्रश्नमा उत्तर दिँदै अब तीन प्रकारका ब्याज देखिने र यसका लागि केही समय लाग्ने बताएका छन्। मस्कले निलो बाहेक अन्य २ भेरिफाइड ब्याज हुने बताएका छन्।
प्रयोगकर्ताहरूले प्रति महिना ८ डलर शुल्क तिरेर कस्तो प्रकारको ब्याज लिने भन्ने छान्न पाउने पनि बताएका छन्। मस्कले खुलाए अनुसार कम्पनीहरूका लागि पहेँलो ब्याज, सरकारी संस्थाहरूका लागि खैरो र नीलो ब्याज व्यक्तिगत अकाउन्टका लागि दिइनेछ।
यो महिनाको सुरूवाती दिनमा नोभेम्बरको अन्तिममा शुल्क सहितको भेरिफाइड ब्याज प्रयोगमा ल्याउने बताइएको थियो। तर, अहिले यसका लागि केही समय लाग्ने बताइएको छ।
