१५ मंसिर, काठमाडाैँ। नेपाल सरकारको स्वामित्व रहेको मोबाइल एप्लिकेशनले अवार्ड जितेको छ। नागरिक एपले वर्ल्ड समिट अवार्ड (डब्लूएसए) २०२२ जितेको हो।
नागरिक एपले ‘गभर्मेन्ट एन्ड सिटिजन इन्गेजमेन्ट’ विधातर्फको अवार्ड जितेको हो। विश्वभरबाट छनोट भएका ३५० बढि सहभागीहरू मध्ये नागरिक एप अवार्ड जित्न सफल भयो।
उक्त एपले प्रदान गरेको सेवा, सुविधा र प्रभावकारितालाई मुल्यांकन गर्दै अवार्ड दिइएको छ।
त्यसैगरी, ‘हेल्थ एण्ड वेलबिइङ’ विधातर्फ क्युरा हेल्थले डब्लूएसए २०२२ अवार्ड प्राप्त गरेको छ। ७९ देशबाट छनाैटमा परेका ३५० बढि सहभागीहरूमध्येबाट यस एपले अवार्ड पाएको हो।
नेपालबाट अवार्डका लागि वेद, क्युरा हेल्थ र नागरिक एप छनाैटमा परेका थिए।
