२० मंसिर, काठमाडाैँ। साइबर ब्युरोको नक्कली फेसबुक पेज बनाइ ठगी प्रयास गर्ने एक जना पक्राउ परेका छन्।
साइबर ब्युरो नेपाल नामक नक्कली फेसबुक पेज बनाएर चलाउने चितवनको रत्ननगरको झुवानी टोलका करण महतोलाई प्रहरीले पक्राउ गरेको जानकारी दिएको छ। उनीमाथि नक्कली फेसबुक पेज बनाइ नागरिकलाई झुक्याउने तथा ठगी गर्ने अभिप्रायको अभियोग लगाइएको छ।
प्रहरीका अनुसार उनलाई काठमाण्डौ जिल्ला अदालतबाट पाँच दिनको म्याद थपको अनुमति लिएर थप अनुसन्धान भइरहेको छ।
