१३ पुस, एजन्सी। भारतमा युएसबि टाइप-सी चार्जर अनिवार्य गरिएको छ। अब भारतका मोबाइल उपकरण निर्माताहरू र टेक्नोलोजी कम्पनीहरूले मार्च २०२५ सम्म इलेक्ट्रोनिक डिभाइसहरूमा टाइप-सी चार्जिङ पोर्ट राख्नुपर्ने भएको छ।
भारतका उपभोक्ता मामिला मन्त्रायलका सचिवले विश्वव्यापी आपूर्ति श्रृंखला र समयसँग एकाकार हुन यो प्रावधान ल्याइएको बताएका छन्।
‘भारतमा यो निर्देशन युरोपेली संघको तीन महिनापछि लागू हुनेछ।’ उनले भनेका छन्, ‘ईयूको पछिल्लो निर्देशनअनुसार यसका सदस्य राष्ट्रहरूमा बिक्री हुने आइफोनलगायत सबै स्मार्टफोनमा डिसेम्बर २८, २०२४ गतेदेखि साझा यूएसबी टाइप सी चार्जर आउनुपर्छ । ल्यापटप निर्माताहरूलाई पालना गर्न २०२६ सम्मको समय दिइएको छ।’
एक सर्भे अनुसार पछिल्लो पटक बजारमा सार्वजनिक भएका ९८ प्रतिशत मोबाइलहरूमा यूएसबी टाइप सी चार्जर राखिएको हुन्छ। तर, चर्चित ब्राण्ड आईफोनमा भने लाइटनिङ चार्जिङ पोर्ट राखिएको हुन्।
युरोपियन युनियनको निर्णयले दबाबमा परेको आईफोनमा अब भारत समेत टाउको दुखाइ हुने अनुमान गरिएको छ।
भारतको उपभोक्ता मन्त्रालयका सचिवले प्रति घर चार्जरहरूको संख्या घटाउँन र ई-फोहोरको मात्रालाई न्यूनीकरण गर्न यो प्रावधान ल्याइएको बताएका छन्।
