९ चैत्र २०७९, बिहीबार

इरानको इस्फाहानस्थित सैन्य केन्द्रमा ड्रोन आक्रमण



१६ माघ, एजेन्सी। इरानको मध्य शहर इस्फाहानमा रहेको एक सैन्य प्लान्टमा ड्रोन आक्रमण भएको सीएनएनले आइतबार जनाएको छ ।

रक्षा मन्त्रालयसँग सम्बन्धित एउटा सैन्य केन्द्रमा विस्फोट भएको इस्फाहान प्रान्तका सुरक्षा उपप्रमुख मोहम्मद रेजा जान–नेसारीले इरानी समाचार संस्था फार्स न्यूज एजेन्सीलाई बताउनुभयो ।

विष्फोटबाट केन्द्रका भौतिक संरचनामा केही क्षति भए पनि मानवीय क्षति भने नभएको बताइएको छ ।

इस्लामिक रिपब्लिक न्युज एजेन्सी (आईआरएनए) ले उक्त विस्फोट ‘साना ड्रोन’का कारण भएको जनाएको छ ।

रक्षा मन्त्रालयको औद्योगिक परिसरमा साना ड्रोनले असफल आक्रमण गरिएको इरानी समाचार संस्था (आइआरएनए)ले देशको रक्षा मन्त्रालयलाई उद्धृत गर्दै ट्वीटरमा लेखेको छ ।

“केन्द्रको एयर डिफेन्स सिस्टमले दुईवटा ड्रोन नष्ट गर्न सफल भएको र यो असफल आक्रमणमा मानवीय क्षति भएको छैन ।

इरानको रक्षा मन्त्रालयका अनुसार स्थानीय समयअनुसार शनिबार राति १०ः३० बजे आक्रमण भएको हो । यो सैन्य प्लान्ट तेहरानबाट करिब ४४० किलोमिटर दक्षिणमा रहेको छ ।


 ९ चैत, काठमाडाैँ । विश्वप्रख्यात टेक कम्पनी एप्पलले पछिल्लो संस्करणको आइफोनको मूल्य घटाएको छ

६ चैत्र, काठमाडाैँ । नेपाली बजारमा 'अनर' ब्राण्डको नयाँ मोबाइल सार्वजनिक भएको छ । नेपालमा

५ चैत, पर्वत । पर्वतको कुश्मा नगरपालिका–१ पाङ अदुवाबारीको भीरबाट लडेर बागलुङकी एक किशोरीको मृत्यु

२ चैत, एजेन्सी। फेसबुकको अभिभावक कम्पनी मेटा प्लेटफर्मले ११ हजार कर्मचारीहरूलाई हटाएको चार महिनापछि पुनः