१८ माघ, काठमाडाैँ। स्वास्थ्य तथा जनसङ्ख्या राज्यमन्त्री डा तोसिमा कार्कीले अनलाइन सपिङ र औषधिको विज्ञापनतिर नियमन गर्नुपर्ने बताएकी छिन्। बुधबार औषधि व्यवस्था विभागको अनुगमन र ब्रिफिङ कार्यक्रममा उनले उक्त धारणा राखेकी हुन्।
उनले गुणस्तर मापन नै नभएका औषधिहरू अनलाइनमार्फत बिक्री भइरहेको भन्दै यसको समाधानको उपाय खोज्नु पर्ने बताएकी हुन्।
उनले कार्यक्रममा भनिन्, “बजारमा दाँत चम्काउने, कपाल उमार्ने र पाचन प्रणालीलाई राम्रो बनाउने भनिएका औषधिका विज्ञापनहरुको गुणस्तर कस्ले मापन गरिरहेको छ ? यसको तथ्याङ्क र समाधानका बाटाहरु के–के हुन सक्छन् यसका उपायसहित आउनूहोस् ।”
