१४ चैत्र २०७९, मंगलवार

मेसीले विश्वविजेता सहकर्मीलाई सुनको आइफोन १४ उपहार दिने



१८ फागुन, एजेन्सी। अर्जेन्टिनी फुटबल टोलीका कप्तान लियोनल मेसीले ३५ वटा सुनले बनेका आइफोन १४ अर्डर गरेका छन्।

गत डिसेम्बरमा विश्वकपको उपाधि जितेको खुसियालीमा आफ्ना सहकर्मीहरूलाई उपहार स्वरूप प्रदान गर्न उनले ती आइफोन अर्डर गरेको बताइएको छ।

द सनमा उल्लेख भए अनुसार ती आइफोनमा २४ क्यारेट सुनको पाता लगाइएको छ। पछिल्लो भागमा खेलाडीले लगाउने जर्सीको अंक र नाम लेखिएको छ भने तीन तारा भएको अर्जेन्टिना फुटबल संघको लोगो रहेको छ।

द सनका अनुसार ती सबै आइफोनको मूल्य १ लाख ७५ हजार पाउण्ड अर्थात् २ करोड ७७ लाख ८० हजार नेपाली परेको छ।

उक्त आइफोन डिजाइन गर्ने कम्पनी आइडिजाइनका सिइओ बेन लियोन्सका अनुसार मेसीले विश्वकपको फाइनल जितेपछि ती आइफोन अर्डर गरेका थिए। ऐतिहासिक जीतको खुसियालीमा उनले केही नयाँ तरिका अपनाएर स्मरणयोग्य बनाउन यो उपाय लगाएको बताइएको छ।

उनले विश्वकपको विजयी यात्राको दाैरान सहभागी भएका खेलाडी, कोचिङ मेम्बर र टीम स्टाफमा ५३ सदस्यलाई ती आइफोन उपहार स्वरूप प्रदान गर्ने भएका छन्।

गत डिसेम्बर १८ मा फ्रान्समाथि रोमाञ्जक जित निकाल्दै अर्जेन्टिना तेश्रो पटक फिफा विश्वकप च्याम्पियन भएको थियो। उक्त प्रतियोगितामा मेसी सर्वोत्कृष्ट खेलाडी समेत भएका थिए।


१३ चैत, काठमाडाैँ । एयर ट्राफिक कन्ट्रोलर (एटीसी) को अनुमतिबिना जहाज १५ हजार फिटमा तल

११ चैत, चितवन । यातायात व्यवस्था कार्यालयले चितवनबाटै लाइन्सेन्स वितरण सुरु गर्ने भएको छ ।

१० चैत, काठमाडाैँ । एनआईसी एसिया बैैंकको कार्डसम्बन्धी सम्पूर्ण सेवा दुईदिन अवरुद्ध हुने भएको

१० चैत, काठमाडाैँ । नेपाल नागरिक उड्डयन प्राधिकरणले एयर ट्राफिक कन्ट्रोलर (एटीसी) सँग अश्लिल शब्द