१४ चैत्र २०७९, मंगलवार

अनलाइन मिडिया विश्वसनीय हुनुपर्छ: विज्ञहरु



२९ फागुन, काठमाडाैँ । अनलाइन मिडियाले सम्प्रेषण गर्ने विषयवस्तु सत्यतथ्य, विश्वसनीय र भरपर्दो हुनुपर्नेमा विज्ञसरोकारवालाले जोड दिएका छन् ।

अनलाइन मिडियाको तीव्र रुपमा भइरहेको विकाससँगै यसले सम्प्रेषण गर्ने विषयवस्तुबारे समाजमा नकारात्मक धारणा बनिरहेको भन्दै उनीहरुले अनलाइन सञ्चारमाध्यमलाई मुलधारमा ल्याइनुपर्नेमा जोड दिए ।

‘नारी नेपाल अनलाइन पत्रिकाको’ आज उद्घाटन कार्यक्रमका वक्ताले अनलाइनलाई विश्वसनीय बनाएर छिटोछरितो र भरपर्दो सामग्री सम्प्रेषण गरिनुपर्ने औँल्याए ।

सांसद अनिता देवकोटाले अनलाइन मिडियाले पेसागत मर्यादालाई ख्याल गरी भरपर्दो, छिटो र छरितो बनाएर विषयवस्तु दिनसक्नुपर्ने बताइन् । उनले नारी नेपाल अनलाइनका माध्यमबाट महिलाको वृत्ति विकास र संविधान प्रदत्त अधिकार कार्यान्वयनका लागि खबरदारी गर्न सहयोग पुग्ने विश्वास व्यक्त गरिन् ।

राष्ट्रिय सूचना आयोगका आयुक्त कमला ओली थापाले आधुनिक सूचना प्रविधिको युगमा प्रविधिको उच्चतम प्रयोग गर्दै निष्पक्ष र विश्वसनीय पत्रकारिता जरुरी भएको उल्लेख गरिन् । नारी नेपालले चुनौतीका बीच सकारात्मक पहल लिएको भन्दै यसका विषयवस्तुको गुणस्तरमा ध्यान दिन आग्रह गरिन् ।

प्रेस काउन्सिल नेपालका अध्यक्ष बालकृष्ण बस्नेतले अनलाइन मिडियालाई मूलधारमा ल्याई अनलाइनको वर्गीकरण गर्न काउन्सिलले मापदण्ड बनाइरहेको जानकारी दिए । न्यूनतम पारिश्रमिक निर्धारण समितिकी अध्यक्ष सङ्गीता खड्काले अनलाइनको भिडमा नारी नेपाल अनलाइन पत्रिकाले नारीको सङ्घर्ष र सफलतालाई समेटेर अनलाइन सञ्चारमाध्यम सशक्त ढङ्गले अघि बढ्ने विश्वास व्यक्त गरिन् ।

वरिष्ठ पत्रकार बबिता बस्नेतले नारी नेपालले महिलाको हैसियत बढाउने र आत्मसम्मान अभिवृद्धिका लागि भूमिका खेल्ने बताइन् । सञ्चारिका समूहका अध्यक्ष बिमला तुम्खेवाले मिडियामा महिलाको उपस्थित बढिरहेको सन्दर्भमा नारी नेपाल अनलाइन सञ्चारमाध्यमले नारीका विषयवस्तुलाई अझ सशक्त ढङ्गले उठाउने विश्वास व्यक्त गरिन् ।


१३ चैत, काठमाडाैँ । एयर ट्राफिक कन्ट्रोलर (एटीसी) को अनुमतिबिना जहाज १५ हजार फिटमा तल

११ चैत, चितवन । यातायात व्यवस्था कार्यालयले चितवनबाटै लाइन्सेन्स वितरण सुरु गर्ने भएको छ ।

१० चैत, काठमाडाैँ । एनआईसी एसिया बैैंकको कार्डसम्बन्धी सम्पूर्ण सेवा दुईदिन अवरुद्ध हुने भएको

१० चैत, काठमाडाैँ । नेपाल नागरिक उड्डयन प्राधिकरणले एयर ट्राफिक कन्ट्रोलर (एटीसी) सँग अश्लिल शब्द