९ चैत, काठमाडाैँ । विश्वप्रख्यात टेक कम्पनी एप्पलले पछिल्लो संस्करणको आइफोनको मूल्य घटाएको छ । लोकप्रीयता बढ्दै गएता पनि एप्पलले आइफोन- १४ प्रो र आइफोन- १४ प्रो म्याक्सको मूल्य घटाएको हो ।

एप्पलले सार्वजनिक गरेको मूल्यसुची अनुसार १२८ जिबी मेमोरी भएको आइफोन- १४ प्रोको मूल्य एक लाख ८० हजार १९० रुपैयाँ कायम भएको छ । त्यसैगरी, २५६ जिबी मेमोरी भएको आइफोन-१४ प्रोको मूल्य एक लाख ९८ हजार ८९० रुपैयाँ कामय गरिएको छ ।

त्यसैगरी, १२८ जिबीको आइफोन- १४ प्रो म्याक्सको मूल्य १ लाख ९८ हजार ८९० रुपैयाँ कायम हुँदा २५६ जिबी क्षमता भएको आइफोन- १४ प्रो म्याक्सको बजार मूल्य २ लाख १७ हजार ७९० कायम गरिएको छ ।

विकसित देखि विकासोन्मुख देशहरूमा समेत आइफोनको लोकप्रीयता थप बढिरहेको छ । नेपालमा पनि आइफोन- १४का विभिन्न सिरिजहरू धेरै प्रयोगकर्ताहरूको हातमा देखिन थालेको छ ।

नेपालमा नेक्स्ट कम्युनिकेसन्स प्रालिले आइफोनको आधिकारिक बिक्री गरिरहेको छ ।