८ वैशाख, काठमाडाैँ । माइक्रो ब्लगिङ प्लेटफर्म ट्विटरले भेरिफाइड अकाउन्टको ब्लु टिक हटाएको छ । ट्विटरले तोकेको शुल्क नतिर्ने ट्विटर ह्याण्डलका ब्लु टिक हटाइएको हो ।

बिहीबार हजारौं खाताहरूबाट एक पटक प्रतिष्ठित नीलो चेक प्रमाणीकरण हटाउन थालेपछि विश्वभरका चर्चित व्यक्तिहरूको ब्लु टिक हराएको हो ।

ट्विटरका मालिका एलन मस्कले सोशल मिडिया कम्पनीलाई नाफामा लैजानका लागि ब्लु टिक भेरिफिकेशनको शुल्क उठाउन सुरू गर्न लागेका हन् ।

बिहीबारबाट नेपालका पनि चर्चित व्यक्तिहरू सहित प्रधानमन्त्री कार्यालय, हेलो सरकार लगायत सरकारी ह्याण्डलको ब्लु टिक उडेको छ ।

त्यस्तै, भारतका पनि अमिताभ बच्चन, ममता बेनर्जी, राहुल गान्धी, योगी आदित्यनाथ लगायत नेता तथा अभिनेताको ट्विटर ह्याण्डलबाट ब्लु टिक उडेको छ ।

ट्विटर लगायत अन्य सामाजिक सञ्जालमा ब्लु टिकले कुनै पनि व्यक्ति वा संस्थाको भेरिफाइड अकान्ट भन्ने बुझाउँछ । ट्विटरले ब्लु टिक लिनका लागि मासिक ८ डलर शुल्क तोकेको छ ।