काठमाडौँ । अफलाइन ड्राइभ गर्ने ८३ जना राइडरहरु पक्राउ परेका छन् । पठाओ र इनड्राइभरको नाममा अफलाइन ड्राइभ गर्ने ८३ जना राइडरहरुलाई प्रहरीले पक्राउ गरेको हो ।
उनीहरूलाई आइतबार काठमाडौँको विभिन्न ठाउँबाट पक्राउ गरिएको जिल्ला प्रहरी परिसरका प्रवक्ता कुमोद ढुङ्गेलले बताए ।
काठमाडौँका विभिन्न स्थानहरूबाट अनाधिकृत तवरले सर्वसाधारणहरूलाई ओसारपसार गर्ने क्रियाकलापमा संलग्न राइडरहरुलाई नियन्त्रणमा लिई आवश्यक कारबाही गरिएको बताए ।
उनका अनुसार विगतका केही आपराधिक घटनाहरूमा यस्ता सवारीहरूको संलग्नता देखिएको र सुरक्षा संवेदनशीलताको दृष्टिबाट सदैव जोखिम सृजना हुने भएको कारणले अफलाइन राइडरहरुलाई कारबाही गरिएको हो ।
पछिल्लो समय अफलाइन सवारी सुरक्षित नहुने भन्दै ध्यानाकर्षण गराउँदै आएको छ ।
