काठमाडौँ । नेपाल टेलिकमले बिलिङ प्रणाली स्तरोन्नति गर्ने भएको छ । टेलिकमले एक सूचना जारी गर्दै बिलिङ प्रणाली स्तरोन्नति गर्दा सेवाहरू अवरूद्ध हुनसक्ने जनाएको छ ।

बिहीबार सूचना जारी गर्दै टेलिकमले नेपाल टेलिकमको बिलिङ प्रणाली स्तरोन्नति कार्यका लागि बिहीबार राति ११ बजेदेखि करिब ४ घण्टा अवधिका लागि सेवा प्रभावित हुन सक्ने जनाएको हो ।

टेलिकमका अनुसार ब्यालेन्स रिचार्ज, प्याकेज खरिद तथा क्यारी सेवा प्रभावित हुनेछ । उक्त समयमा मोबाइल भ्वाइस, डाटा तथा एसएमएस सेवा भने यथावत् हुने कम्पनीले जनाएको छ ।  अन्य कुनै सेवासम्बन्धी समस्या भए १४९८ र १९८ मा डायल गरी बुझ्न सकिनेछ ।