काठमाडौं। नेपालमा एप्पलका सामग्री आयात तथा बितरण गर्दै आएको जेनेरेशन नेक्स्ट कम्युनिकेसन प्रालिले आफनो संस्था र नेपाल दुरसंञ्चार प्राधिकरण ई लक्षित गरी बिभिन्न व्यक्ति र सस्थाले लगाएको आरोप प्रति असहमति जनाउदै कानुनी उपचारमा जाने जनाएको छ ।
प्रालीले एक बिज्ञप्ति जारी गर्दे नेपालमा सूचना प्रविधिको उद्यम व्यवसाय गर्दै आएका व्यवसायी तथा उद्यमी रुद्रराज पाण्डेले नेपाल दूरसञ्चार प्राधिकरण (एनटीए) र त्यसका कर्मचारीहरुमाथि बिना प्रमाण लगाएको आरोप प्रति असहमति जनाउदै कानुनी उपचारमा जाने जनाएको हो ।
पाण्डेले आफ्नो डियरवाक ग्रुप अन्तरगत रहेको कम्पनी डियरकम्पवेयर लिमिटेडले नेपालमा आइफोन आयात गर्न प्रयास गरेको र त्यसमा प्राधिकरणले स्वीकृति नदिएको भन्दै बिभिन्न आक्षेप लगाउनु भएको थियो । कम्पनीले सन् २०१२ देखि नै नेपालमा आइफोन भित्र्याउँदै आएको छ ।
जेननेक्स्टले एप्पलसँग पछिल्लो पटक अगस्ट ५, २०२४ मा आधिकारीक सम्झौता अपडेट गरेको छ । उक्त सम्झौता पत्र ’एनडीए’ अर्थात नन डिस्क्लोजर एग्रीमेन्ट भएको हुँदा बाहिर सार्वजनिक गर्न नमिल्ने भए पनि कम्पनी वा नेपाल दूरसञ्चार प्राधिकरण (एनटीए) बाट हेर्न सकिने कम्पनीले जनाएको छ ।
