काठमाडौं । गीत कति हिट र त्यसबाट कति आम्दानी भयो भनेर क्यासेट बिक्रीलाई आधार बनाइन्थ्यो । अहिले जमाना फेरिएको छ । गीत हिटको मापन र आम्दानीको मुख्य स्रोत युट्युब बनेको छ ।

पैसा पनि कमाउन सकिने भएपछि त पुङ न पुच्छरका गीत तथा अन्य भिडियो हालेर पैसा कमाउने जमात विकसित हुँदै गएको छ । कमाइकै दौडमा लाग्दा हाल भने उत्कृष्टभन्दा पनि भाइरल बनाउन उद्दत हुने खाले गीत देखिन थालेका छन् ।

धेरै कलाकारहरुले युट्युब च्यानल खोलेर आफ्ना गीत आफ्नै च्यानलमा अपलोड गर्ने गरेका छन् । त्यतिमात्र नभई हरेक व्यक्तिमा भएको क्षमतालाई धेरै मानिसको बिचमा देखाउँने माध्यमपनि युट्युब नै भएको छ । कुनै समय समाचार वा अन्तर्राष्ट्रिय स्तरमा भएको घटनालाई हेर्न तथा पढ्नको लागि रेडियो तथा टिभिमा आउने समाचारको भर हुन्थ्यो कि त भोलीपल्टको पत्रपत्रिकाको पर्खाइमा बस्नुपर्दथ्यो तर हालको समयमा त्यो स्थिति छैन, यसलाई युट्युबले निकै सरल र सजिलो बनाइदिएको छ ।

युट्युबमा आम्दानी गर्नका तरिका

युट्युबमा बिज्ञापन प्राप्त गर्नको लागि हामीसँग १ हजार जना सब्क्राइबर हुनु जरुरी छ । पछिल्लो १२ महिना यता आफ्नो च्यानलमा एक घण्टा भिडियो हेर्नेको संख्या चार हजार भन्दा बढी हुन जरुरी छ । यो भनेको एकदमै गाह्रो हो । केही समय भने अवश्य नै लाग्छ । फेरी १ हजार जना सब्ष्क्राइबर र चार हजार जनाले भिडियो हेरे भने तपाईले आफ्नो च्यानलमा बिज्ञापन हाल्न भने सक्नुहुन्छ ।

माथि भनिए अनुसारका सम्पूर्ण मापदण्ड पूरा गरी च्यानल मोनिटाइज भएपछि मात्रै युट्युवमा अपलोड गरिएको भिडियोले पैसा कमाउन सक्छ। मोनेटाइजेसन भएको च्यानलमा अपलोड गरिएको भिडियोमा युट्युवले विज्ञापन राख्छ। त्यसरी राखिएको विज्ञापनहरुबाट नै हो पैसा कमाउने। हाल भने मोन्टेनाइज नगरेको च्यानलमामा समेत युट्युबले विज्ञापन गर्ने गरेको छ र सो बापतको भने क्रियटरलाई दिँदैन । यो नियम युट्युबले हालै ल्याएको हो ।

एक करोड भ्युज जाँदा कति आम्दानी हुन्छ ?

कुनै पनि युट्युव च्यानलमा हालिएको भिडियोले पैसा कमाउने विषय धेरै कुरामा निर्भर रहेको हुन्छ । पैसा कति कमाउने भन्ने मुख्य गरी दुई कुरामा निर्भर रहेको छ। भिडियोहरुको प्रकार र विज्ञापनहरुको मूल्यले भिडियोले के कति पैसा कमाउँछ भन्ने निर्धारण गर्दछ।

ठ्याक्कै भन्न सकिँदैन । ‘यति भ्युज जाँदा यति आम्दानी हुन्छ भन्ने हुँदैन । दर्शकले भिडियो कति मिनेट हेरे भन्नेमा भर पर्छ । ४ मिनेट र ८ मिनेटका दुई भिडियोले एक करोड भ्युज पाएका छन् भने ८ मिनेटको भिडियोबाट आउने आम्दानी बढी हुन्छ।

उदाहारणका लागि सँगै अपलोड गरिएका कुनै पनि ४ मिनेटको भिडियोले १ लाख कमाई गर्‍यो र अर्कोले ५० हजार रुपैयाँमात्र गर्न पनि सक्छ । भिडियोले पैसा कमाउन युट्युबका पोलिसीअन्तर्गत आरपीएम सिपीएम आदी कारणले गर्दा कमाइ तलमाथि हुने गर्छ । त्यस्तै विदेशबाट धेरै हेरिएको भिडियोको आम्दानी पनि बढी हुन्छ । सोही भिडियो हेर्दा त्यसको दुईगुणा भन्दा माथि हुनसक्छ । किनभने नेपाल र विदेशको विज्ञापनदर निकै नै तलमाथि हुन जान्छ त्यसकारण पनि कमाइ यताउता हुने गर्छ ।