आइतबारदेखि सेक्योर्ड सेक्युरिटिज (३६) ले कारोबारमा आफ्नै टीएमएस प्रयोग गरेसँगै यसको एप भर्सनबाट पनि कारोबार सुरु भएको हो । नेपालमा पहिलो पटक एपमार्फत कारोबार भएको सेक्योर्ड सेक्युरिटिजका अध्यक्ष सन्तोष मैनालीले बताए ।

सेक्योर्ड सेक्युरिटिजका अध्यक्ष मैनालीका अनुसार ‘एट्र्याड डीजी ट्रेड नेपाल’ नामक एपबाट पहिलो कारोबार भएको हो । यो एप एन्ड्रोइड तथा आईओएस दुवैमा भर्जनमा रहेको उनको भनाइ छ ।

आज ३६ नम्बर ब्रोकरबाट भएको कारोबारमा ६१ प्रतिशत कारोबार मोबाइल एपबाट भएको मैनालीले बताए । ३६ नम्बर ब्रोकरका सदस्यमध्ये आइतबार ४८ प्रतिशतले मोबाइलबाट लगइन गरेको मैनालीको भनाइ छ ।

नयाँ टीएमएस एप, वेब र डेस्कटप भर्सनबाट सहज रुपमा आइतबार कारोबार सम्पन्न भएको मैनालीले बताए । ‘नयाँ प्रणालीमा कारोबार गर्न अभ्यस्त नभएकाले केहीलाई सुरुका दिन असहज लागेको हुन सक्छ, तर अभ्यस्त भइसकेपछि सहज हुनेछ ।

आइतबार मात्रै करिब ५ सय ८० सय जनाले नयाँ टीएमएस (टीएमएस डट्एसएसएल डट् कम डट् एनपी) लगिन गरेको उनले बताए ।