काठमाडौं । एमजीले नयाँ इलेक्ट्रिक एसयूभी ईएस ५ चिनियाँ अटो बजारमा सार्वजनिक गरेको छ । एसएआईसीको नेबुला प्योर इलेक्ट्रिक आर्किटेक्चरमा आधारित यस एमजी ईएस५को मूल्य १४ हजार १ सय देखि २१ हजार २ सय अमेरिकी डलरसम्म पर्ने अनुमान लगाइएको छ ।
फेमिली कम्प्याक्ट एसयूभीको रुपमा लिइने सो एसयूभीमा फाइभ लिंक रियर सस्पेन्सन सिस्टम छ भने यसको लम्बाई, चौडाई र उचाई क्रमशः ४४७६, १८४९ र १६२१ एमएम छ भने ह्विलबेस २७३० एमएम छ । यले सिंगल चार्जमा ४२५, ५१५ र ५२५ किलोमिटर रेन्ज दिने कमपनीको दाबी छ ।
यसमा क्याटल र एसएआईसीको ज्वाइन्ट भेन्चरमा निर्माण गरिएको लिथियम आइरन फस्फेट ब्याट्री प्याक प्रयोग गरिएको छ, जुन ४९.१ वा ६२.२ किलोवाट आवर क्षमतामा उपलब्ध रहेको कम्पनीको भनाई छ ।
