काठमाडौं। सूचना तथा सञ्चार प्रविधि क्षेत्रको प्रतिष्ठित अवार्डको रूपमा परिचित आइसिटी अवार्डको ग्राण्ड फिनाले पुस ५ गते शुक्रबार हुने भएको छ ।
काठमाडौंको बौद्धमा रहेको ह्यात रिजेन्सी होटलमा ‘इन्ड्राइभ आईसीटी अवार्ड २०२४ सपोर्टेड बाई एनसेल फाउन्डेसन इन एसोसिएसन विथ नेपालपे क्युआर, जेनस एण्ड जुम’मा विभिन्न १५ विधामा अवार्ड प्रदान गरिनेछ।
सन् २०१६ देखि लिभिङ विथ आईसीटीले आयोजना गर्दै आइरहेको आईसीटी अवार्ड कार्यक्रम, विगत ६ महिनादेखि छनौट प्रक्रिया र प्रिइभेन्टहरु सम्पन्न गर्दै ग्राण्ड फिनालेसम्म आइपुगेको छ।
यस पटक विभिन्न १४ विधामा अवार्डहरू वितरण गरिने छ । प्रविधि क्षेत्रको प्रतिष्ठित अवार्डको रूपमा परिचित आइसिटी अवार्डले विगत ९ वर्षदेखि सूचना तथा सञ्चार प्रविधि क्षेत्रमा काम गर्ने स्टार्टअप, इन्नोभेसन, उद्यमी, प्रोफेसनल, शैक्षिक संस्था, सरकारी निकाय र विभिन्न संघसंस्थाहरूलाई सम्मान तथा प्रोत्साहन गर्दै आएको छ ।
अवार्ड वितरण हुने विधाहरुमा क्याटोगोरी एअन्तर्गत स्टार्टअप, प्रडक्ट, राइजिङ स्टार इन्नोभेसन र सोसल इन्नोभेसन रहेका छन्। व्यक्तिगत अवार्ड विधाहरुमा प्रोफेसनल एक्सिलेन्स, आन्टरप्रेनर, नेपाली डायस्पोरा, पायोनियर र एनसेल वुमन आईकन आईसीटी अवार्ड रहेका छन्।
संस्थागत र कर्पोरेट अवार्ड विधाहरुमा डिजिटल एजुकेसन (पब्लिक सेक्टर), डिजिटल एजुकेसन (प्राइभेट सेक्टर), डिजिटल गभर्नेन्स र डिजिटल सर्भिसेस आईसीटी अवार्ड रहेका छन । क्याटोगोरी डीअन्तर्गत साउथ एशिया स्टार्टअप आईसीटी अवार्ड रहेको छ।
