काठमाडौं। प्रविधि पत्रकार मञ्च (टिजेएफ) र हुवावे नेपाल ले संयुक्त रूपमा आयोजना गरेको ‘फ्युचर कनेक्ट समिट २०२५’ सम्पन्न भएको छ ।
‘ड्राइभिङ अ ग्रिनर डिजिटल फ्युचर’ नारासहित आयोजना गरिएको यो समिट नेपालका अग्रणी प्रविधि पत्रकारहरू र हुवावे नेपालका पदाधिकारीहरूको सहभागितामा सम्पन्न भएको हो ।
कार्यक्रममा हुवावे नेपालका पब्लिक रिलेसन प्रमुख लिन हाईले नेपालको प्रविधि क्षेत्रलाई नयाँ उचाइमा पु¥याउन हरेक पक्षमा काम गर्न तयार रहेको बताए ।
हुवावे नेपालका प्रभात रेग्मीले विश्वबजारमा फाइभजी प्रविधिको प्रभाव र यसको सम्भावनाबारे प्रस्तुति दिएका थिए । हुवावे हाल विश्वका १७० भन्दा बढी देशमा सेवा प्रदान गर्दै आएको छ । करिब दुई लाख सात हजारभन्दा बढी मानिसलाई रोजगारी दिन सफल भएको हुवावे नेपालका कर्पोरेट अफेयर्स म्यानेजर असित अधिकारीले जानकारी दिए ।
कार्यक्रममा टिजेएफका अध्यक्ष उमेश पौडेलले नेपालमा प्रविधि पत्रकारितालाई थप फराकिलो पार्नका लागि यस्ता कार्यक्रमहरुले सहयोग पुर्याउने बताए । नेपालमा प्रविधिको क्षेत्रको बुझाइमा ठूलो अन्तर रहेको भन्दै उनले यस क्षेत्रलाई थप क्रियाशिल र प्रभावकारी बनाउनका यस्ता कार्यक्रहले सहयोग पुग्ने बताए । हामीले प्रविधि पत्रकारितालाई अझ समृद्ध बनाउने उद्देश्यले यस्ता कार्यक्रमहरूलाई निरन्तरता दिइरहेको र विश्वका नविनतम प्रविधि जस्तै एआइ, साइवर सेक्युरिटि तथा फाइभजी लागयतका विषयमा थप कार्यक्रम गर्दै प्रविधि पत्रकारितालाई थप मजबुत बनाउन लागेको बताए ।
समिटका क्रममा हुवावे नेपालका प्रभात रेग्मीले विश्व बजारमा फाइभजी प्रविधिको प्रभाव र यसको सम्भावनाबारे प्रस्तुति दिएका थिए। उनले भने, ‘फाइभजी प्रविधिले कम विलम्बता (लो ल्याटेन्सी) का साथ उच्चगतिको सेवा प्रदान गर्दछ, जसले गर्दा यो प्रविधि उद्योगदेखि स्वास्थ्य र शिक्षा क्षेत्रसम्म क्रान्तिकारी परिवर्तन ल्याउन सक्षम छ।
