काठमाडौं। सामसङले नेपालमा ठूलो क्षमताको २ नयाँ बिस्पोक एआई वासिङ मेसिन सार्वजनिक गरेको छ ।
सामसङ नेपालले १२ केजीसम्मको क्षमता, एआई-वास, र ऊर्जा बचत गर्दै कपडा सुरक्षित राख्ने एआई इकोबबल जस्ता अत्याधुनिक सुविधाहरू रहेको नयाँ बिस्पोक वासिङ मेसिन सार्वजनिक गरेको हो ।
उक्त मेसिनमा स्मार्टथिङ्स एपद्वारा स्मार्टफोनमार्फत टाढाबाटै नियन्त्रण गर्न सकिने विशेषताले लुगा धुन सहज बनाउने कम्पनीले जनाएको छ । यसमा इनोभेटिभ डिजाइन, सजिलो इन्टरफेस र ६०० एमएम स्पेससमेत छ ।
सामसङको यो वासिङ मेसिन दुई मोडलमा उपलब्ध रहेको कम्पनीले बताएको छ । एकको मूल्य १ लाख १४ हजार ९९० र अर्को मोडलको मूल्य १ लाख २० हजार ९९० रुपैयाँ रहेको कम्पनीको भनाइ छ ।
