काठमाडौँ। चिनियाँ विद्युतीय सवारीसाधन निर्माता कम्पनी बीवाईडीले भारतमा बिवाईडी सिलायन ७ कार सार्वजनिक गरेको छ।
बीवाईडीले भारतमा ‘अटो एक्स्पो २०२५’ मा आफ्नो प्रिमियम इलेक्ट्रिक कार सिलायन ७ इभी प्रदर्शन गरेको छ। भारत अटोमोबिलिटी ग्लोबल एक्स्पोमा एसयुभी विद्युतीय गाडी शोकेस गरिएको हो।
चिनियाँ बहुराष्ट्रिय ब्रान्ड बीवाईडीले अट्टो ३, सिल, ईम्याक्स ७ पछि सी लाइन ७ भारतीय बजारमा ल्याएको छ। बुकिङ खुल्ला भइसकेको यो गाडी मार्चमा सडकमा गुड्नेछ।
२ वटा अप्सनमा उपलब्ध गाडी प्रिमियम र पर्फमेन्स भेरियन्टमा आएको हो। यसमा ८२.५६ किलोवाट आवर ब्याट्री छ। प्रिमियमले ५६७ र पर्फमेन्सले ५४२ किमि रेन्ज दिने कम्पनीको दाबी छ।
प्रिमियम गाडीले २३० किलोवाटको मोटर पावर र ३८० एनएम जेनेरेट गर्छ भने पर्फमेन्स भेरिन्टले ३९० पीएस पावर ६९० एनएम टर्क जेनेरेट गर्छ।
