वीरगञ्ज। इलेक्ट्रिक सवारीसाधन (ईभी) वितरणको क्षेत्रको अग्रणी नाम सीजी मोटर्सले नेपालमा आफ्नो उपस्थितिलाई विस्तार गर्दै मधेश प्रदेशलाई केन्द्रित गर्दै वीरगञ्जमा अत्याधुनिक ब्रान्डहरूको विविध श्रृंखला लञ्च गरेको छ।
कम्पनीले यस क्षेत्रमा मिनोल्टा इन्भेस्टमेन्ट प्रालिलाई आधिकारिक च्यानल पार्टनरको रूपमा नियुक्त गरेको छ । उद्घाटन कार्यक्रममा वीरगन्ज महानगरपालिकाका मेयर राजेश मान सिंह, मिनोल्टा इन्भेस्टमेन्टका कार्यकारी निर्देशक राजेश अग्रवाल, सीजी मोटर्सका सीईओ/डाइरेक्टर हेमन्त अग्रवाललगायतको उपस्थिति थियो ।
यी ईभी ब्रान्डको छुट्टै विशेषता रहेको कम्पनीले जनाएको छ । आयान वाईमा १०० किलोवाट मोटर रहेको र यसले २२५ एनएम टर्क प्रदान गर्नेछ । आयान वाईमा ५२० र ६५० किलोमिटर रेन्ज दिने क्षमता छ । एभाटर ११ मा १९० किलोवाटको मोटर, रिडारा आरडी ६ अफ रोडका लागि डिजाइन गरिएको र नेटा एक्सले ५ सय किलोमिटर रेन्ज प्रदान गर्ने भिन्न किसिमका विशेषताहरू रहेको कम्पनीले जानकारी दिएको छ ।
यो पहलले बिरगंजमा विश्वप्रसिद्ध ईभी ब्रान्डहरू जस्तै एभाटर, एक्सपेंग, नेटा, आयोन भी, आयोन वाई र रिडारा ल्याएको छ, जसले उन्नत र पर्यावरणमैत्री गतिशीलता समाधान प्रदान गर्नेछ।
