काठमाडौं। अमेरिकी राष्ट्रपति डोनाल्ड ट्रम्पले हालै लगाइएको करविरुद्ध बाेलिरहे क्यानडामाथि थप कर लगाउने चेतावनी दिएका छन् ।
ट्रम्पले क्यानडामा २५ प्रतिशत कर लगाएका थिए। यसको जवाफमा क्यानडाले पनि अमेरिकी सामग्रीमा २५ प्रतिशत कर लगाउने घोषणा गरेको थियो ।
राष्ट्रपति ट्रम्पले भने, ‘यदि क्यानाडाले अमेरिकाले लगाएका ट्यारिफको जवाफमा प्रतिक्रिया दिन्छ भने क्यानाडामाथि थप ट्यारिफ लगाइनेछ।’अमेरिकाका उत्तरी छिमेकी राष्ट्रहरूले लामो समयसम्म अमेरिकाको अपमान गरेका उनको आरोप छ ।
ट्रम्पले भनेका छन्, ‘म क्यानडाका जनतालाई माया गर्छु । म क्यानडाका नेताहरूसँग सहमत छैन, र त्यहाँ केही हुनेवाला छ ।’ उनीहरू खेल खेल्न चाहन्छन् भने आफूलाई यसमा कुनै समस्या नभएको र आफूहरू पनि उनीहरूले खेल्न चाहेको जस्तोसुकै खेलको लागि तयार रहेको उनले बताए ।
‘यदि क्यानडा खेल खेल्न चाहन्छ भने मलाई कुनै आपत्ति छैन,’ अमेरिकाको राष्ट्रपति ट्रम्पले भनेका छन्, ‘उसले जे खेल चाहेको छ, हामी तयार छौँ ।’
